Ciontaíodh stiúrthóir cuideachta foirgníochta agus gearradh fíneáil air as neamhchomhlíonadh iarratais reachtúil in ionchúiseamh a rinne an Bord Pinsean
8 Meitheamh 2012: Inné i gCúirt Dúiche Charraig na Siúire ar an Déardaoin 7 Meitheamh 2012, chiontaigh an Breitheamh Finn agus ghearr fíneáil €1,000 ar Owen Walsh, stiúrthóir Cornerstone Homes Company Limited a bhfuil seoladh cláraithe aige as Cill Daltún, Baile an Phoill, Co. Chill Chainnigh as mainneachtain a dhéanamh. géilleadh d’iarratas reachtúil a rinne an Bord Pinsean de bhun Alt 18 d’Acht na bPinsean 1990, faisnéis agus doiciméadú áirithe a thabhairt don Bhord Pinsean laistigh d’amscála sonraithe a shonraíonn asbhaintí déanta as pá fostaithe as ranníocaíochtaí scéime pinsin.
Déanann an Bord Pinsean maoirsiú ar scéimeanna pinsean gairme agus déanann sé monatóireacht ar chomhlíonadh na bhfostóirí leis an reachtaíocht a bhaineann le bailiú agus le híoc ranníocaíochtaí pinsin.
Agus é ag tagairt don chiontú sa chás seo, dúirt Príomhfheidhmeannach an Bhoird Pinsean, an tUasal Brendan Kennedy, “Ba cheart go bhfeidhmeodh an ciontú inniu mar rabhadh do gach fostóir agus stiúrthóir cuideachta go ndéileálann an Bord Pinsean le mainneachtain freagra a thabhairt ar iarratas ar faisnéis ón mBord an-dáiríre. Tá freagracht ar an mBord an riachtanas seo a fhorfheidhmiú agus measann sé gur ábhar tromchúiseach é neamhchomhlíonadh.”
-Agus-
Le haghaidh tuilleadh eolais, déan teagmháil le:
David Malone
Ceannaire Faisnéise
An Bord Pinsean
Teil (01) 6131900
Nóta d'Eagarthóirí
An Bord Pinsean
Is é an Bord Pinsean an comhlacht reachtúil a bunaíodh le hAcht na bPinsean 1990 chun scéimeanna pinsean ceirde, RAC iontaobhais agus Cuntais Choigiltis Scoir Pearsanta (CCSP) a rialú agus chun comhairle a chur ar an Aire Coimirce Sóisialaí maidir le forbairt polasaí pinsin foriomlán. Féach www.pensionsboard.ie
Faoin Acht, tá an chumhacht ag an mBord imscrúdú a dhéanamh ar staid agus iompar scéimeanna pinsin na hÉireann, agus a chinntiú go gcomhlíonann iontaobhaithe, fostóirí, riarthóirí pinsin agus a gcomhairleoirí na hoibleagáidí atá orthu d’fhostaithe reatha agus iarfhostaithe maidir lena ranníocaíochtaí pinsin agus sochair.
Ceadaíonn cumhachtaí an Bhoird dó cuairteanna ar an láthair a dhéanamh gan fógra, doiciméid ábhartha a urghabháil agus a chóipeáil, dul isteach i dtithe cónaithe de bhun barántais, agus aon duine a sháraíonn forálacha an Achta a ionchúiseamh agus/nó a agairt a dhéanamh.
Scéim Phinsin na nOibrithe Tógála (CWPS)
Is scéim pinsean ceirde é CWPS atá faofa ag na Coimisinéirí Ioncaim agus atá cláraithe leis an mBord Pinsean. Bunaíodh é de bhun Comhaontú Fostaíochta Cláraithe (“REA”) ar Phinsin, Árachas agus Pá Breoiteachta an Tionscail Foirgníochta, atá cláraithe ag an gCúirt Oibreachais agus a tugadh chun críche idir fostóirí agus eagraíochtaí fostaithe a oibríonn sa tionscal tógála.
Faoin REA, ceanglaítear ar gach fostóir a oibríonn sa tionscal tógála a bheith ina pháirtí i scéim pinsean ranníocach faofa chun sochair phinsin agus bás-i-seirbhíse a sholáthar d’fhostaithe. Comhlíontar na hoibleagáidí seo trí ranníocaíochtaí pinsin a asbhaint óna bhfostaithe agus iad a chur ar ais chuig CWPS nó chuig scéim chuí eile.