Caighdeán Trédhearcachta Costais an IAPF

16 Iúil 2024:  Fáiltíonn an tÚdarás Pinsean roimh sheoladh Chaighdeán Trédhearcachta Costais (CTS) an IAPF. Cuirfidh rannpháirtíocht sa CTS ar chumas iontaobhaithe tuiscint níos fearr a fháil ar na costais infheistíochta a íocann siad agus na costais sin a thagarmharcáil i gcoinne a bpiaraí. Tógann an CTS ar an gceanglas sa Ráiteas Sochar Pinsean miondealú a sholáthar ar na costais a asbhaineann an scéim.

Tá iontaobhaithe scéimeanna pinsin freagrach as torthaí maithe a bhaint amach do chomhaltaí agus tairbhithe a scéime. Bíonn tionchar tábhachtach ag costais scéime ar na torthaí seo, agus mar sin ba chóir go mbeadh a fhios ag iontaobhaithe na costais a thabhaíonn a scéim pinsin agus go mbeadh siad in ann an luach a fhaightear ar na costais sin a chosaint.

Cuid thábhachtach de rannpháirtíocht an Údaráis le hiontaobhaithe na scéimeanna pinsin is ea costais agus luach ar airgead. Beidh an fhaisnéis a chuirfidh CTS ar fáil ina hionchur úsáideach san idirphlé sin. Beidh an tÚdarás ag súil go mbeidh sonraí coibhéiseacha, ó cibé foinse, ag na scéimeanna sin nach bhfuil rannpháirteach sa phróiseas STC.

Tá an tÚdarás i bhfabhar cur chuige deonach maidir le trédhearcacht costais, tagarmharcáil agus nochtadh. Trína ghníomhaíochtaí maoirseachta, déanfaidh an tÚdarás dlúthfhaireachán ar rathúlacht an chórais dheonaigh. Mar sin féin, san fhadtéarma mura leor nochtadh costais agus inchomparáideacht, lorgóidh an tÚdarás athrú reachtach.

Tá tuilleadh eolais ar fáil ag IAPF CTS.