Treoir reachtúil athbhreithnithe

Déardaoin 27 Márta 2014: Tá treoir reachtúil athbhreithnithe eisithe ag an Údarás, arna faomhadh ag an Aire, maidir le hiarratais chuig an Údarás faoi ailt 49 agus 50 d’Acht na bPinsean.

Baineann Alt 49 den Acht le tograí maoinithe nach mór d’iontaobhaithe scéimeanna pinsean tearcmhaoinithe a ullmhú.

Leis an treoir nuashonraithe tugtar isteach rialacha maoinithe, mar a leanas:

1. Ní mór d’iontaobhaithe a chuireann togra maoinithe isteach tar éis don treoir seo teacht i bhfeidhm a chinntiú go bhfuil a scéim maoinithe 50% ar a laghad agus a bheith ag súil le bheith maoinithe 70% faoi dháta tosaithe na bliana scéime bliantúla 2017.
2. Ní mór d’iontaobhaithe a chuireann tograí maoinithe isteach an 1 Eanáir 2017 nó ina dhiaidh sin a chinntiú go bhfuil ar a laghad 70% maoinithe ag a scéim.
3. Ní fhéadfaidh tograí maoinithe nach bhfuil ar an mbóthar ceart a thuilleadh an caighdeán maoinithe a bhaint amach roimh a ndáta deiridh agus a thiteann faoi bhun 50% den mhaoiniú “éasúint dhá bhliain” a úsáid. Rogha solúbthachta é seo a thugann dhá bhliain bhreise do scéimeanna chun iad a ghnóthú.

Áirítear leis na ceanglais mhaoinithe 50% agus 70% gach dliteanas caighdeánach maoinithe faoi alt 44 den Acht, seachas sochair ranníocaíochta deonacha breise agus speansais foirceanta.

Tá roinnt athruithe breise teicniúla tugtha isteach i dtreoir alt 49, mar a leanas:

• Tá cead ag Iontaobhaithe a bheartaíonn laghduithe sochair alt 50 a dhéanamh mar chuid dá dtogra maoinithe a ráta ranníocaíochta a ríomh ar bhonn ráta lascaine níos airde más féidir leo a léiriú don Údarás go dtacaíonn sé seo le cobhsaíocht agus inbhuanaitheacht fhadtéarmach na scéime. Tá sé seo ar aon dul leis an seasamh faoi threoir alt 50 an Údaráis.
• Leathnaítear na sócmhainní nach mór d’iontaobhaithe a shamhlú ina seilbh maidir le pinsin atá á n-íoc chun na sócmhainní go léir a d’fhéadfadh scéimeanna a úsáid chun a riachtanais chúlchiste riosca a laghdú faoin Acht a áireamh.

Baineann alt 50 den Acht le húsáid laghduithe ar shochair chun deacrachtaí maoinithe a réiteach. Tá treoir an Údaráis á nuashonrú chun an fhíric go gceadaíonn alt 50 den Acht anois pinsin atá á n-íoc a laghdú, faoi réir teorainneacha forordaithe.

Cuirfear foirmeacha iarratais leasaithe alt 49(3B) agus alt 50 ar shuíomh Gréasáin an Údaráis go luath.