Litir maidir le roghanna seirbhíse a fhágáil do scéim sochair shainithe
Treoracha úsáide – litir roghanna fágála seirbhíse do scéim shochair shainithe (DB).
- Is éard atá sa doiciméad eiseamláireach faoi 'Comhad(Comhaid) Ghaolmhara' thíos litir shamplach maidir le roghanna fágála seirbhíse do scéim SS. Ní mór an t-eolas a chur in oiriúint don scéim/bhall ar leith agus b’fhéidir gur mhaith leat an leagan amach a leasú nó faisnéis bhreise a mheasann tú atá úsáideach don bhall a chur leis.
- I gcás ina n-úsáidtear figiúirí, is chun críocha léiriúcháin amháin iad.
- Tá iarnótaí sa doiciméad eiseamláireach a thugann tuilleadh eolais don té atá ag ullmhú na litreach roghanna fágála seirbhíse. Déileálann siad seo le:
– faisnéis atá le tabhairt i gcás ina mbeidh ordú coigeartaithe pinsin i bhfeidhm
– treoir nár cheart a chur i láthair ach na roghanna atá ar fáil don chomhalta ar leith
– má tá rogha ann do shochair mhalartacha
– teorainn ama nach mór don chomhalta aistriú a iarraidh
– aon sochair bhreise atá iníoctha agus cibé ar aistríodh aon mhéideanna gan na comhaltaí
toiliú
– forálacha faoina bhféadfar/faoin méadófar sochair
– modhnú ar an ráiteas riosca.
Cé go measann an tÚdarás gur ullmhaíodh an litir shamplach seo maidir le roghanna fágála seirbhíse de réir na reachtaíochta ábhartha amhail an 7 Aibreán 2015, ba cheart d’aon duine a ullmhaíonn litir roghanna fágála seirbhíse iad féin a shásamh go bhfuil an fhaisnéis a thugann siad ag cloí leis na ceanglais reachtúla is infheidhme.
