Tá Pinsean/PRSA agam
Scéim pinsean ceirde
Má tá tú i do bhall de scéim pinsean ceirde, tá tú i dteideal eolas a fháil faoi do shochair phinsin, conas a reáchtáiltear an scéim agus conas atá an ciste pinsin ag feidhmiú. Caithfidh iontaobhaithe na scéime an t-eolas seo a thabhairt duit. Caithfidh d’fhostóir faisnéis áirithe a thabhairt duit freisin.
Mar bhall ba cheart duit seiceáil go rialta go bhfuil dóthain ranníocaíochta á dhéanamh agat chun an t-ioncam atá uait agus tú ar scor a sholáthar duit.
Tá doiciméid eiseamláireacha nochta foilsithe ag an Údarás Pinsean a chuireann an t-eolas is cóir a thabhairt do chomhaltaí scéime in iúl chomh soiléir agus chomh bríoch agus is féidir. Tá sé mar aidhm ag na doiciméid seo faisnéis intuigthe a sholáthar ar bhealach struchtúrtha ionas gur féidir le baill cinntí eolasacha a dhéanamh maidir lena gcoigilteas scoir. Chun breathnú ar na doiciméid seo téigh go dtí 'Model noch doiciméid' ar an mbarra nascleanúna.
Má tá gearán agat faoi do scéim pinsean ceirde ba chóir duit dul i dteagmháil le d’fhostóir agus/nó d’iontaobhaí.
Cuntas coigiltis scoir pearsanta (CCSP)
Más ranníocóir CCPS thú, tá tú i dteideal eolas a fháil faoi do shochair faoin gconradh CCPS. Tá tú i dteideal eolas a fháil ar fheidhmíocht do chiste/chistí CCSP freisin. Caithfidh do sholáthraí CCSP an t-eolas seo a thabhairt duit.
Mar ranníocóir CCSP ba chóir duit seiceáil go rialta go bhfuil tú ag cur go leor le do CCSP chun an t-ioncam atá uait agus tú ar scor a sholáthar duit.
Má tá gearán agat faoi bhainistiú do CCSP ba chóir duit dul i dteagmháil le do sholáthraí CCSP chun iarracht a dhéanamh é a réiteach go díreach.
Tuilleadh eolais
Tá áireamhán ar líne ag an Údarás a ligeann duit meastachán a dhéanamh ar an méid airgid a bheadh de dhíth ort le ranníocaíocht a dhéanamh le do phinsean maidir le d’aois agus do thuarastal bliantúil reatha chun an leibhéal pinsin a bhfuil tú ag súil leis nuair a bheidh tú ar scor. Is féidir teacht ar an áireamhán ar an leathanach seo.
Tá eolas chun cabhrú le baill de scéimeanna pinsean ceirde agus ranníocóirí CCSP a gcearta agus a dteidlíochtaí a thuiscint ar fáil faoi ‘Seicliostaí agus treoracha’.
Chun eolas a fháil maidir le tuiscint a fháil ar na cineálacha éagsúla pinsean, conas a oibríonn siad agus an fhaisnéis nach mór a thabhairt do chomhaltaí féach an rannán ‘do phinsean a thuiscint’.