Eolas
Aithníonn Údarás na bPinsean gur cheart ár n-obair rialála agus forfheidhmithe a chomhlánú le tacaíocht, faisnéis agus treoir a chuidíonn leo siúd a bhfuil baint acu le pinsin a bhainistiú mar iontaobhaithe, riarthóirí, fostóirí agus comhairleoirí tuiscint a fháil ar a gcuid oibleagáidí agus conas iad a chomhlíonadh.
Cuirimid raon cuimsitheach faisnéise agus ábhar treorach ar fáil saor in aisce ar ár suíomh Gréasáin don phobal agus dóibh siúd a bhfuil baint acu le pinsin a nuashonraítear agus a leasaítear chun athruithe ar reachtaíocht agus rialacháin pinsean a léiriú.
Nuacht trí sheirbhís foláirimh ríomhphoist
Soláthraíonn an tÚdarás seirbhís foláirimh nuachta trí ríomhphost. Más mian leat go gcuirfí ar an eolas tú go huathoibríoch trí ríomhphost maidir le míreanna a cuireadh lenár ‘Nuacht is Déanaí’, cláraigh anseo le do thoil: http://www.pensionsauthority.ie/en/News_by_Email/
I rith na bliana eisíonn an tÚdarás eisiúintí nuachta agus foláirimh ríomhphoist mar gheall ar ghníomhaíocht ionchúisimh, athruithe reachtaíochta nó rialála, imeachtaí faisnéise agus nuair a fhoilsímid ábhar nua faisnéise agus treorach ar ár suíomh Gréasáin.
Fiosrúcháin phinsin ghinearálta
Is féidir le baill scéim pinsean, iontaobhaithe, fostóirí, tionscal na bpinsean, an pobal i gcoitinne agus na meáin fiosrúchán ginearálta a dhéanamh trí:
- r-phost: info@pensionsauthority.ie
- fón: 01-613 1900
- i scríbhinn chuig: An tÚdarás Pinsean, Teach Verschoyle, 28/30 Sráid an Mhóta Íochtarach, Baile Átha Cliath 2, D02 KX27
- glaoch go pearsanta chuig ár n-oifigí.
Fiosrúcháin Chomhaltaí Oireachtais
Ba cheart do chomhaltaí an Oireachtais atá ag lorg eolais maidir leis an Údarás Pinsean nó cúrsaí pinsin a bhfiosrúchán a sheoladh ar ríomhphost chuig oireachtas@pensionsauthority.ie.
Amanna freagartha
Is iad seo a leanas ár sprioc-amanna chun freagra a thabhairt ar fhiosrúcháin ó Chomhaltaí Oireachtais:
- admháil, lena n-áirítear sonraí teagmhála an bhaill foirne atá ag déileáil leis an gceist: 2 lá oibre
- freagra substainteach: 14 lá oibre
Déanann an tÚdarás monatóireacht ar gach ceist a fhaightear lena chinntiú go ndéileáiltear leo de réir ár gCairt Chustaiméirí.
Aiseolas agus tuairisciú
Tuairisceoidh an tÚdarás ar chomhlíonadh na gcaighdeán atá leagtha amach, inár dTuarascáil Bhliantúil.